وحشتني كثر ماتخيلك..كثر ما أحلم بيوم لقياك..كثر ماحبك كثر ماتمنيت ربي يجمعني وياك..
وحشتني .. كثر دمعاتي اللي ذرفت بغيابك لما أعيد شريط ذكراك قدامي
..وكثر ماحكيت لك وشكيت لك همومي ..
وحشتني كثر ماكنت تمسح دمعتي .. وتبوس جبيني تريحني .. وتحضني تدفيني .. وبنظرتك تنسيني همي .. وبحبك تواسيني..
وآآآه منك لما تربت على كتفي أحسك رميت كل همي ..
وحشتني كثر ما أجلس معاك وارتمي بحضنك وتغمرني بحنانك.. وحبك ..
وحشتني كثر ماحبك وأوصيك
انتبه لنفسك حبيبي..
تبتسم لي بخبث وتناظرني بمكر وتقول: تخافين علي حياتي ؟!
لهالدرجه تحبيني؟!..
وأقولك بالله عليك ذا سؤال تسألني؟!
ونظرتي ونبضة قلبي تفضحني.
غمز لي وقال : - ادري بحبك حياتي.. ومالك بعد الله واهلك سواتي..
بس حب يسمعها بشفاتي..
أرسل بوسه ومسك كفي وقال ربي لايحرمني منك غلاتي.. وانتبهي لروحك تراها حياتي
وراح وانا انتظره بشوقي ولهفتي ..
وحشتني كثر ما أوله عليك ولشوفتك.. وأتحرى جيتك..
وأخاف عليك واشتاق..وخفت من يوم الفراق .. لما يتفرق العشاق..
حرام عليك تتركني استناك..
يكفي غياب
يكفي بعاد
يكفي دموع
عيني جف دمعها من كثر ماهلّت عشانك..
عفت الناس لأجل اختارك..
ومع هذا مازلت مطول غيابك!!!
أرجوك ارجعي لا أموت من بعدك وشوقي وحزني .. أخاف تطول وماتلقاني..
او
حتى ماتلحق على دفني..
وماتسمعني وش بوصيك..
بوصيك وأقولك:-
حافظ على قلبي اللي دوم حبك لحالك..
ومن بين الناس اختارك..
وعاش الم لحظة فراقك..
وظل يشتاآاآاآق ويستنى لقاك..
بس انت طولت عليه ..
مامسحت آخر دموعه و ريحته..
ولا ربتّ على كتفه وخففت همه..
ولابست جبينه تحلي يومه..
ولاجيت تغطيه وتريحه بنومه..
وحرمته حبك وحنّيتك وطيبتك..
وحرمته نظرة عيونك..
بس ماوصيك...
انك تظل تحبني وما تنساني .. وتقول للناس إني حبيت إنسان حبني وصانّي...ريّحني وهنّاني..
عطيته كل حبي وحناني..