ثـَــلاَثْ سِنيـــِـنْ وَأنـــَا أخَطِــط لْــذَآكْـ اليـــُومـ يآبـُو سعــُود

ثلاث سنين أنا أخطط لهذا اليوم يابو سعود ..

تيسر حالي وجاهز أوَفي وعدي بوقته ..

وفجأة جتني تعتذر..تقول تأخرت لوعود..

وأنا مستغرب وأسمع كأني وعدها خنته !!

حسبت إنها تمازحني وتتصنع جفا وصدود ..

ضحكت بوجهها من قلب..مع أنها بايخه النكته ..

وقالت أرضى بالواقع..قلبي ماهو المعهود ..

تغير كل شي صوبك..نصيبي ماأظن انته !!

كنت فـ يوم محبوبي ولكن ماأظن نعود ..

وصل من قبل ماتوصل..وانا ذاك الصبر عفته ..

ولكن تكفى صدقني ويشهد ربي المعبود ..

ترى ماخنتك بغفله..ولاكلمته ولاشفته..

صراحه أهلي قالوا لي بأنه ولد أصل وجود ..

وجتني أمَه بالصوره..وبكلمات المدح أخته ..

سكت وقلت هي فرصه مدام الجود في الموجود ..

وقالوا كل من حولي علامات الرضا سكته ..

وأنا فكرت دام أمَه وأخته ماعليهم زود ..

أكيد إني براضيهم إذا وافقت وأخترته ..

وأراضي اهلي واخواني مدام ان الفرح مقصود ..

عطيت الناس أنا كلمه ومعاهم وقتي حددته ..

ولا أقدر أغيرها..ترى عند العرب منقود ..

أوافق وأعتذر باجر وأقول الراي غيرته !

تبي تشرح لي المنقود..تصدق عاد يابو سعود ؟

تبيني اقتنع وارضى بحالٍ عمري ماعشته ..

أنا ماني بقايلها..عسى يفرش ثراها ورود ..

بعد ما حطمت قلبي وطعم الموت جربته ..

عسى بفستانها أشواك..وفي ثوبه عقارب سود ..

ونارٍ تحرق الكوشه وتحرق بيتهم حتى ..

وموت بليلة الدخله يبرد حرتي ياكود ..

ولا أحس أنها بحضنه يلامس خدَ لامسته ..

عليَ أهون إذا ماتوا ولابنفس السرير رقود ..

ترى صعبٍ عليَ اتخيل اللي ماتخيلته ..

عسى قاع الثرى يقسى ويتحوَل صخر جلمود ..

وحفَار القبر يرفض يسوي فوق مقدرته..

ترى دفنه عديم الذات تلوَع حتى كبد الدود ..

ومن خان العهود ومات تعافه حتى مقبرته ..

عسى ربي يجازيهم بحبلٍ من مسد ممدود ..

يعلقهم من أطرافه وفوقه نارٍ وتحته ..

أنا ماني حقود وشين ولاني من نسل نمرود ..

ومن حط نفسه بوضعي بيقول اللي أنا قلته..

مدام الفعل له ردة فعل والله أبشري بردود..

بدعي دامني حيٍ وبغرس للدعا نبته ..

وبسقيها نزيف القلب ودمعٍ مارحم لخدود ..

وتكبر والثمر ثاري من اللي خانني وصنته ..

أنا نذرٍ عليَ أكتب وأفجَر هالقصيد رعود ..

وأسمَع كل بشر صوتي عجبته ولا زعلته ..

وأردد للي يسمعني..اذا حبيت (حط حدود )

أنا حبيت دون حدود وشوف اللي تكبدته ..

ثلاث سنين أنا أبني وجت (صوره) بكل برود ..

خذت مني شقى عمري وحلمٍ (قلت حققته) !!!

ثلاث سنين أنا أخطط لهذا اليوم يابو سعود ..

وتوآفق من كلام أخته..وصوره (4 فــ 6 ) ..!!

وسلامتكم..

م,,ن,,,ق,,ووو,,,ل

واااااااااااااااااااااااو يسلموووووو

آآآآآه يااشموختي وربي كل مااسمع هالقصيده

ابكي..,,ايااااام

لاخلاولاعدم

مشكوره ع الطرح المميز

تقبلي مرووري.,,

قصيده جدآجمليه يسلمووو التنزيل...::

اخوك الفدراااااااااالي

يسلم لي مروركم العطر

لكم كل الشكر